من نحن

كتير من الناس بتحب القراءة و الاطلاع ، بس بتقابلهم  شوية مشاكل ، منها الوقت الطويل اللى بيضيعه فى الكتاب الاصلى ، او المجهود المبذول فى قراءة الكتاب ده او صعوبة الوصول ليه و ده بيعطله عن انه يقرا و بيقلل من نشاطه ، ده غير مشكلة اللغة اللى بتواجه كتير من الناس فى انهم يحصلو على المحتوى اللى عايزينه

وبسبب ده ف معدلات القراءة فى الوطن العربى قليلة جدا مقارنة بأوروبا ….

عشان كدة احنا قررنا نعمل مبادرة و نحل كل المشاكل دى ونسهل الوصول للمعلومات

احنا Read To  Lead  وهدفنا هو إنعاش المحتوى العربى مرة تانية فى منطقة الشرق الاوسط و افريقيا و تسهيل عملية القراءة ونشر الوعى الثقافى و تحسين جودة الفكر لكافة المستويات

عشان كدة عملنا مبادرة هتسهل عملية القراءة و هى تلخيص وترجمة  الكتب الهامة و الشهيرة الى ملخصات :

1- حجم الملخص الواحد لا يتعدى ال 20 صفحة ، بتاخد من خلاله اهم النقط اللى فى الكتاب الاصلى بدون انقاص او اختصار

2- تتعرف من خلالها على المدرسة الفكرية اللى بينتمى ليها الكاتب و التجربة اللى مر بيها و كل ده بمنتهى السهولة و فى اقل وقت و مجهود 

3- جودة التلخيص شيئ مهم و ده كان قدام عنينا طول الوقت ، فعملنا لك المخلصات بمستوى لغوي مناسب و طريقة واضحة و بسيطة

4- وفرنالك طرق مختلفة و ممتعة للقراءة زى فيديوهات توضيحية او بودكاست و غيرهم من الطرق المختلفة اللى بتضيف مرح اثناء التعلم

5- الملخصات بتاعتنا منتقاة بعناية عشان تقدملك مجموعة متكاملة ، هتكون بمثابة كورس متكامل فى المجال اللى تختاره ، و ده لاننا بنقدملك مجالات مختلفة مش مجال واحد