لو انت واحد من اللى شغالين فى مجال التسويق و المبيعات ، فاكيد بتسمع جمل كتير مش عارف جت منين لكن هو ده اللى متعودين عليه ، زى مثلا " لا تصنع منتحأ لعميلك ، ولكن اصنع عميل لمنتجك " ….


حميلة عظيمة بس تتنفذ ازاى ؟ ،، خبير علم النفس الاستهلاكى Nir Eyal  بيكلمنا فى كتابه Hooked عن سلوكيات العميل ، و انك ازاى تقدر تربط بين المنتج بتاعك وبين سلوكيات العميل من خلال دراستك ليه طبعا ، لدرجة ان العميل بعدها بيحس ان المنتج بتاعك مش مجرد حاجة ترفيهية ، لا ده طوق النجاه اللى هو كان فعلا محتاجه وانت جيت انقذته فى الوقت المناسب ….. تعالو نتعرف اكتر على كتاب Hooked  واللى بيدور فى : 


اهم النقاط

1-  لو قدرت تخلى العميل يحول المنتج بتاعك من مجرد استهلاكه لانه بقى خلاص عادة يومية عنده ميقدرش يستغنى عنها ، فانت نجحت و هتحقق من ورا ده ارباح كتير جدا

2-  فى 3 محفزات عند اى مستهلك ، بعدها على طول بياخد قرار الشراء ، عشان كدة لازم تدرسهم كويس و تستغلهم لمصلحتك .

3-  المفاجأت شيئ مهم جدا فى عالم الشراء و اللى بيكون ليها دور كبير فى تحفيز المستهليكن انهم يفضلو المنتج بتاعك على اى منتج تانى

4- طريقة الاصطياد ، دى الطريقة اللى بتعتمد عليها الشركات الكبيرة فى البيع ، لازم تعرفها كويس


الدورس المستفادة


بعد ما هنقرا الكتاب نفسه هنتعلم منه شوية دروس مستفادة و اللى اهمها

1-  من اساسيات نجاح المنتج انه يكون عادة عند المستهلك ، عشان كدة لو قدرت تحقق المعادلة دى و تحول المستهلك من مجرد مستهلك لانه يكون عميل دائم عندك ، هتيحول بعدها العميل لانه يكون مسوق ليك و يرشح المنتج لكل اللى حواليه و ساعتها هتكون عملت دعايا من غير تكاليف

2-  من الممكن ان يصل المنتج الى مرحلة الادمان اذا وصل للمحفزات الثلاثة ، عشان كدة دايما اى حد ناجح بيحاول انه يستغل التلات محفزات الخاصة بالمستهلك و الل هما " السعى وراء المتعة ، البحث عن الامل و تجنب الخوف ، الحصول على القبول الاجتماعى و تجنب الرفض ..

3-  تستخدم الشركات الناجحة طريقة الاصطياد ، عشان كدة بتلاقى الحملات الاعلانية للشركات الكبيرة معتمدة على انها توصل للعميل فكرة ان المنتج هو طوق النجاة و هو اللى هينقذه لو استخدمه …



اهم الاسئلة اللى الكتاب جاوبنا عنها خلال رحلتنا ..

1- ليه بتحصل معانا اننا بتشد منتج بعينه بغض النظر عن باقى المنتجات ؟ 

2- ليه بنستخدم بعض المنتجات كأنها عادة ومفيش غنى عنها ؟ 

3- ازاى اقدر اعمل منتج الناس تهتم بيه و محدش يتجاهله ؟ 

4- ايه هى المحفزات اللى ممكن تساعد المستهلك انه ياخد قرار الشراء؟