فى بداية اى مشروع بتعمله بتكون محتاج نصايح من اشخاص عندهم الخبرة الكافية انهم يدولك توجيه فى المرحلة دى ، اشخاص عاشو التجربة دى قبل كدة ،، لكن اوقات هتلاقى نفسك مشتت مش عارف تسمع كلام مين و لا مين … عشان كدة الكاتب المشهور Eric Ries عمل دليل لاى رائد اعمال ناشئ نفسه يعمل مشروع لنفسه و جمع فيه خبرات و تجارب مختلفة و غير الناصايح الخاصة بالمنتجات و ازاى تجذب عميل جديد و ازاى تحافظ عليه فيما بعد و غيرها من النقط المهمة و الفارقة فى اى منشأة ،،، و سمى الكتاب ده The Lean Startup وده اللى هنتكلم عنه النهاردة
اهم النقط
1- اكيد مش منطقى انك تقدم خدمة او منتج مش مرغوب فيهم ، او بمعنى اصح مفيش اقبال عليهم فى الفترة دى ساعتها هتكون خسارتك شيئ حتمى .
2- التجربة و التعلم من الاخطاء هو الطريق الوحيد للنجاح ، عشان كدة متيأسش و كمل محاول ة واستمر فى السعى و النجاح هيجى فى وقته المناسب
3- هناك مبادئ اساسية عشان تنشأ اى مشروع لازم تبقى عارف القواعد و الاساسيات اللى هتحتاجها عشان تبدأ اى مشروع و يكون ناجح
4- نظام المحاسبة مينفعش يتسم بالروتين و التكرار ، لام يبقى فى تطور و ابتكار لحد ما الشركة يتحدد اهدافها و تحققها
اهم الدروس المستفادة اللى اتعلمناها من الكتاب
1- التعلم هو ما يجنى المال مش العكس ، عشان كدة طول ما انت بتجرب و مستمر وبتتعلم ، هتكتسب مهارات جديدة و هيكون عندك طرقك الخاصة اللى اتعلمتها تقدر من خلالها انك تدير مشروعك
2- المشاكل وارد انها تحصل فى اى وقت لكن لازم علينا اننا نواجهها و نتعلم منها و نحلها بسرعة لان حل الشكلة بسرعة بيقلل الخساير ، و دى الطريقة اللى بتعملها الشركات الكبيرة زى تويوتا
3- تتبع احتياج العميل و كن حلا لمشاكله ، ركز على المميزات اللى بيركز عليها العميل و اللى بتكون بعدها وصلت مع العميل لمرحلة ثقة و استحسان و ده هيساعدك انك تنمو بشكل دائم و مستمر
4- ممكن لاى شخص انه يكون رائد اعمال ، مفيش مفهوم مقتصر او حكر على رائد الاعمال فقط ، ممكن يكون فى اى مكان و اى عمل بيقوم بيه
اهم الاسئلة اللى بيجاوب عنها الكتاب :
1 - ازاى تحط استراتيجية لمشروعك تمون مناسبة و تساعده على التطور ؟
2- ازاى تعمل منتج يلقى استحسان العميل ؟
3- ايه هى المبادئ الاساسية للشركات الناشئة ؟
4- ايه هى الخطوات اللى لاوم تتبعها عشان تبدأ اى مشروع ؟
